Azərbaycan Tibb Universitetinin tələbəsi Parisdə keçirilən konqresdə məruzə ilə çıxış edib
Bakı, 15 iyul, AZƏRTAC
Azərbaycan Tibb Universitetinin I müalicə profilaktika fakültəsinin IV kurs tələbəsi Hafiz Həsənov Parisdə keçirilən “Global Heart Congress”də məruzə ilə çıxış edib və sertifikatla təltif olunub.
Universitetin mətbuat xidmətindən AZƏRTAC-a bildiriblər ki, konqresdə kardiologiya sahəsində olan elmi kəşflər və yeni metodlar müzakirə edilib. Toplantıda Braziliya, Yaponiya, İtaliya, Amerika Birləşmiş Ştatları, Türkiyə, Bolqarıstan, Fransa, Belarus, Birləşmiş Ərəb Əmirliklərindən olan həkim və elm adamları kardiologiya sahəsinə dair yeni fikir və ideyalarını paylaşaraq müzakirələr aparıblar.
Konfrans iştirakçıları arasında gələcək elmi işlərin müştərək həyata keçirilməsi məqsədilə əməkdaşlıq əlaqələri qurulub. Konqresdə kardioreabilitasiya, kardiocərrahiyyə, kardioonkologiya, molekulyar kardiologiya, ürək çatışmazlıqları, angioqrafiya, nuklear kardiologiya mövzularını əhatə edən məruzələr dinlənilib.
Ötən həftə Azərbaycanda COVID-19 əleyhinə 70 doza vaksin vurulub
Ötən həftə Azərbaycanda COVID-19 infeksiyasına 111 yoluxma faktı qeydə alınıb
COVID-19-un yeni variantı daha yüksək mutasiya qabiliyyətinə malikdir
COVID-19-un EQ.5 mutasiyasından qorunmaq üçün sadə gigiyenik qaydalara əməl etmək lazımdır
Çexiyalı kardioloqlar aritmiyanın müalicəsində yeni üsul hazırlayıblar