Abşeron rayonu ərazisində yol kənarında baş verən yanğın söndürülüb
Xırdalan, 13 iyul, AZƏRTAC
Abşeron rayonu ərazisində - Bakı-Quba yolunun Xırdalan şəhərindən keçən hissəsində yanğın qeydə alınıb.
AZƏRTAC xəbər verir ki, yolun kənarında 500 kvadratmetr ərazidə Eldar şamı ağaclarının bitdiyi ərazidə baş verən yanğın küləyin təsirindən daha da şiddətlənib.
Hadisə yerinə Fövqəladə Hallar Nazirliyinin Dövlət Yanğından Mühafizə Xidmətinin Abşeron rayon dövlət yanğından mühafizə hissəsinin bir neçə texnikası və canlı qüvvəsi cəlb olunub. Yanğınsöndürənlər alovu söndürüb, onun yaxınlıqdakı evlərə keçməsinin qarşısını alıblar.
İlkin ehtimala görə, hadisəyə magistralla hərəkət edən avtomobillərin birindən əraziyə siqaret kötüyünün atılması səbəb olub.
Faktla bağlı araşdırma aparılır.
“Tarixi abidələr uşaqların gözü ilə” – rəsm sərgisi
Naxçıvan Muxtar Respublikasının 100 illiyinə həsr olunmuş rəsm sərgisi açılıb
“Keşikçidağ” Dövlət Tarix-Mədəniyyət Qoruğunda abidələr və tarixi yerlər günü qeyd olunub - FOTO
Hacıqabulda qatarın vurduğu qadın ölüb YENİLƏNİB VİDEO
Naxçıvanda akademik Rəhim Rəhimovun 100 illik yubileyi qeyd edilib