Uimbldon-2019: Rocer Federer Rafael Nadala qalib gələrək finala vəsiqə qazanıb
Bakı, 13 iyul, AZƏRTAC
“Böyük dəbilqə” seriyasından olan Uimbldon tennis turnirinin ikinci yarımfinalında isveçrəli Rocer Federer ispaniyalı Rafael Nadala qalib gəlib.
AZƏRTAC xəbər verir ki, üç saatdan bir qədər çox davam edən görüş İsveçrə tennisçisi Rocer Federerin 3:1 (7:6, 1:6, 6:3, 6:4) hesablı qələbəsi ilə başa çatıb.
Federer və Nadal ATP turnirlərində 40 dəfə qarşılaşıblar. Bu oyunlardan 16-da isveçrəli tennisçi, 24-də isə ispan tennisçi qələbə qazanıb. Beləliklə, Uimbldon-2019 turnirinin finalında 37 yaşlı isveçrəli 32 yaşlı serbiyalı tennisçi Novak Çokoviçlə qarşılaşacaq.
Turnir iyulun 14-də başa çatacaq. Turnirin ümumi mükafat fondu 49,33 milyon dollardır.
Fərid Qayıbov ABŞ-də BMT-nin Gənclər Forumunda çıxış edib
Konfrans Liqası: "Aston Villa" penaltilər seriyasında "Lill"i məğlub edərək yarımfinala yüksəlib
Konfrans Liqası: "Fiorentina" yarımfinala vəsiqə qazanıb
"Abşeron" "qızıl set"də "Murov Az Terminal"a qalib gələrək finala yüksəlib
Kişi voleybolçuların Yüksək Liqasında ikinci finalçı bəlli olub