FIFA qadın yığma komandalarının reytinqini elan edib
Bakı, 12 iyul, AZƏRTAC
Beynəlxalq Futbol Federasiyaları Assosiasiyası (FIFA) Fransada keçirilən dünya çempionatının yekunlarına əsasən qadın yığma komandalarının reytinqini yeniləyib.
Reytinqin birinci və ikinci yerlərinə dəyişikliklər olmayıb. Ötən dünya çempionatının qalibi ABŞ (2180 xal) və Almaniya yığması (2059 xal) reytinqdə yenə də liderlik edirlər. Turnirin finalçısı olan Niderland yığması (2037 xal) səkkizinci pillədən üçüncü pilləyə qalxıb. Turnirin bürünc mükafatçısı olan İsveç komandası üç pillə qalxaraq hazırda reytinqdə altıncı yerdədir (2021 xal).
Dördüncü yerdə Fransa yığması (2029), beşinci – İngiltərə (2027), yeddinci – Kanada (1976), səkkizinci – Avstraliya (1965), doqquzuncu yerdə KXDR (1940) qərarlaşıb. İlk onluğu braziliyalılar (1938) qapayır.
ABŞ komandası dünya çempionatlarında dörd qələbəyə malikdir. Almaniyalı futbolçular dünya birinciliyini iki dəfə, norveçlilər və yaponlar isə hərəyə bir dəfə əldə ediblər.
Bədii gimnastika üzrə Dünya Kubokunun ilk qalibləri mükafatlandırılıb VİDEO
Bədii gimnastika üzrə Dünya Kuboku: Qrup hərəkətləri üzrə Azərbaycan komandası bürünc medal qazanıb
Premyer Liqa: “Zirə” doğma meydanda “Neftçi”yə qalib gəlib
Azərbaycan gimnastı Bakıdakı Dünya Kubokunda finala yüksəlib
Almaniyanı təmsil edən gimnast: Bakıda yarışmaq mənim üçün xüsusi məna ifadə edir