Azərbaycan Dövlət
İnformasiya Agentliyi

A
A
A
Sazlamalar

Avtomobildə gizlədilən siqaretlər aşkarlanıb

Bakı, 12 iyul, AZƏRTAC

Avtomobildə gizlədilən siqaretlər aşkarlanıb.
Dövlət Gömrük Komitəsinin Mətbuat və İctimaiyyətlə Əlaqələr İdarəsindən AZƏRTAC-a bildirilib ki, Şimal Ərazi Baş Gömrük İdarəsinin Əməliyyat və təhqiqat şöbəsinə daxil olan məlumat əsasında Rusiyadan “Samur” gömrük postunun idxal gömrük nəzarəti xəttinə daxil olan Azərbaycan vətəndaşının idarə etdiyi “Mercedes Benz E 220 CDI” markalı avtomobil saxlanılıb və gömrük baxışı keçirilib. Yoxlama zamanı nəqliyyat vasitəsinin arxa sağ təkərinin üst hissəsində olan örtüyün arxasındakı boşluqdan gömrük nəzarətindən gizlədilmiş 3400 ədəd “Parliament Heets Green Zing” markalı siqaret aşkarlanıb.
Faktla bağlı araşdırma aparılır.

Hadisə 2019-07-12 11:19:00