Azərbaycan Dövlət
İnformasiya Agentliyi

A
A
A
Sazlamalar

Yunanıstan dövlət KİV rəhbərləri vəzifələrindən istefa veriblər

Afina, 11 iyul, AZƏRTAC
Yunanıstanın dövlət televiziya şirkəti ERT-nin rəhbəri Yannis Drosos və milli xəbər agentliyi ANA-MPA-nın prezidenti Mixalis Psilos vəzifələrindən istefa ərizələrini yeni hökumətin mətbuat katibi Stelios Petsasa təqdim ediblər. S.Petsas KİV rəhbərlərini onların yerinə təyinat olanadək vəzifələrində qalmağı xahiş edib.
Qeyd edək ki, “Yeni Demokratiya” parlament seçkilərində qələbə qazanaraq hökuməti təşkil etdikdən sonra bir sıra dövlət müəssisələrinin rəhbərləri vəzifələrindən istefa verib, bəziləri isə buna hazırlaşır.


İqbal Hacıyev
AZƏRTAC-ın xüsusi müxbiri
Afina

Dünya 2019-07-11 16:59:00