Dünya Çimərlik Oyunlarında Azərbaycanı 7 idmançı təmsil edəcək
Bakı, 10 iyul, AZƏRTAC
Qətərin paytaxtı Dohada Milli Olimpiya Komitələri Assosiasiyasının (MOKA) Dünya Çimərlik Oyunlarında iştirak edəcək ölkələrin nümayəndə heyətlərinin rəhbərləri üçün seminar keçirilir.
Azərbaycan Milli Olimpiya Komitəsindən (MOK) AZƏRTAC-a bildiriblər ki, seminarda ölkəmizi oyunlarda təmsil edəcək nümayəndə heyətinin rəhbəri, MOK-un idman idarəsinin rəisi Həsənağa Rzayev iştirak edir.
Seminar çərçivəsində iştirakçı MOK-ların nümayəndələrinə yarış obyektlərinin hazırlığı, yaşayış, nəqliyyat, akkreditasiya, qidalanma, turnir cədvəli və digər mövzularla bağlı məlumat veriləcək. Seminar iştirakçıları yarış obyektləri ilə tanış olacaqlar.
Dünya Çimərlik Oyunlarına Azərbaycanın 7 idmançısı - Kseniya Levkovska, Rostislav Pevtsov (akvatrilon), Pənah İlyaslı, İbrahim Yusubov, Kənan Əliyev, Oyan Nazariani (güləş) və Roman Heydərov (karate kata) vəsiqə qazanıblar.
Bədii gimnastika üzrə Dünya Kubokunun ilk qalibləri mükafatlandırılıb VİDEO
Bədii gimnastika üzrə Dünya Kuboku: Qrup hərəkətləri üzrə Azərbaycan komandası bürünc medal qazanıb
Premyer Liqa: “Zirə” doğma meydanda “Neftçi”yə qalib gəlib
Azərbaycan gimnastı Bakıdakı Dünya Kubokunda finala yüksəlib
Almaniyanı təmsil edən gimnast: Bakıda yarışmaq mənim üçün xüsusi məna ifadə edir