Saatlıda 1648 tondan çox pomidor yığılıb
Saatlı, 10 iyul, Mahir Babayev, AZƏRTAC
Bu il saatlılı fermerlər 788 hektar sahədə tərəvəz becəriblər. İl təsərrüfat işləri üçün əlverişli keçdiyindən və məhsul istehsalçıları becərdikləri sahələrə aqrotexniki qaydada qulluq etdiyindən sahələrdən bol məhsul yetişib. Xeyli vaxtdır ki, torpaq mülkiyyətçiləri yetişdirdikləri məhsulun yığımına başlayıblar.
Rayon statistika idarəsindən AZƏRTAC-ın bölgə müxbirinə bildirilib ki, saatlılı fermerlər becərdikləri 799 hektar tərəvəz sahəsinin 384 hektarından indiyədək 4 min 57,6 ton məhsul yığıblar. Tədarük olunan tərəvəzin 274,1 tonu bibər, 731,1 tonu xiyar, 1648,3 tonu pomidor, 465,7 tonu badımcan, 416 tonu sarımsaq, 463 tonu isə soğan məhsullarıdır.
Əkinçilər, həmçinin erkən əkdikləri 1987,5 hektar bostan sahəsinin 938,05 hektarından 25 min 066,4 ton qarpız və yemiş də toplayıblar. Fermerlər gün ərzində ümumilikdə 25-30 hektar sahənin məhsulunu yığırlar.
Ağstafada Aqrar İnnovasiya Festivalı çərçivəsində toxum sərgi-satış yarmarkası təşkil olunub
Bu il Oğuzun taxıl sahələrində orta məhsuldarlıq 30,9 sentner olub
Balakənli fermerlər 7819 hektar sahədə dən üçün qarğıdalı yetişdiriblər
Bu il Beyləqanda 23 min tondan çox pambıq istehsalı gözlənilir
Qəhvəyi mərmər bağacığını aşkar etmək məqsədilə Şəkinin kəndlərində 100 feromon tələ asılıb