Unikal texnologiya: ilk robot rəssam gözəl tablolar yaradır
Bakı, 8 iyul, AZƏRTAC
İnnovasiyalı texnologiyalar sahəsində daha bir sensasiyaya imza atılıb. AZƏRTAC BBC telekanalının saytına istinadla xəbər verir ki, ixtiraçı Eyden Meller dünyada ilk robot-rəssam yaradıb. İlk qadın proqramçı qrafinya Ada Lavleysin şərəfinə Ay-Da adlandırılan bu texnologiya möcüzəsinin əsərlərindən ibarət ilk sərgi Oksfordda keçirilir. Bildirilir ki, Ay-Da artıq 1 milyon dollardan çox pul qazana bilib.
Eyden Meller jurnalistlərə müsahibəsində deyib: “Bütün zamanlarda rəssamların hamısının bir ümdə məqsədi olub: əsərlərində yaşadıqları cəmiyyətin gerçəkliyini əks etdirmək. Ay-Da isə bu gün istifadə etdiyimiz yüksək texnologiyaların əksidir”.
Ay-Danın gözlərində quraşdırılmış həssas kamera əşyanın təsvirini işləmək üçün onu kompüter “gözlərinə” ötürür. Sonra alqoritm rəsmin çəkilməsi üçün koordinatları müəyyən edir və onları tabloya köçürür. Nəticədə fotorealist təsvirlər deyil, unikal rəsm əsrləri yaradılır.
Süni intellekt texnologiyalarının iqtisadiyyata transformasiyası problemləri tədqiq olunur
Kvant mexanizmi ilə beyin funksiyalarını sərgiləyən süni zəka modeli yaradılıb
Balaca bir damcı hər şeyi dəyişəcək: nanosensor istehsalında inqilab
Kibertəhlükəsizlikdə sıçrayış: yeni şifrələmə sistemi kompüteri casus proqramlarından qoruyur
Böyük Britaniyada ilk dronlu poçt texnologiyası sınaqdan keçirilib