Azərbaycan Dövlət
İnformasiya Agentliyi

A
A
A
Sazlamalar

Yunanıstanda növbədənkənar parlament seçkilərində səsvermə başa çatıb

Bakı, 7 iyul, AZƏRTAC

Yunanıstanda növbədənkənar parlament seçkilərində səsvermə başa çatıb.
AZƏRTAC yunan mediasına istinadla xəbər verir ki, “exit-poll”un nəticələrinə görə, Kiriakos Miçotakisin rəhbərlik etdiyi sağ mərkəzçi Yeni Demokratiya partiyası seçkilərdə qələbə qazanıb. Belə ki, bu partiya seçkilərdə səslərin 38-42 faizini toplayıb. Baş Nazir Aleksis Tsiprasın liderlik etdiyi SYRIZA partiyası isə səslərin 26,5-30,5 faizini toplaya bilib.
Yerli KİV-lərin məlumatına əsasən, Baş Nazir “exit-poll”un nəticələri ilə razılaşdıqlarını bildirib.
Qeyd edək ki, seçkilərdə 20 siyasi partiya parlamentdəki 300 kürsü uğrunda mübarizə aparıb.

Dünya 2019-07-07 21:28:00