Aleksandr Kuznetsov: Pskov abidələrinin UNESKO-nun Dünya İrs Siyahısına salınması ilə bağlı qərarın Bakıda qəbul edilməsinə görə çox şadıq
Bakı, 7 iyul, AZƏRTAC
Çox şadıq ki, “Qədim Pskovun abidələri” nominasiyamız Ümumdünya İrs Komitəsinin Bakı sessiyasında Dünya İrs Siyahısına daxil edildi. Sevindirici haldır ki, bu nominasiyanın təqdimatı həm UNESKO-nun katibliyi, həm də quruma üzv ölkələr tərəfindən müsbət qarşılanıb.
Bu fikri AZƏRTAC-a açıqlamasında Rusiyanın UNESKO-dakı daimi nümayəndəsi Aleksandr Kuznetsov bildirib.
Aleksandr Kuznetsov deyib: “Pskov abidələri çoxdan UNESKO-nun Dünya İrs Siyahısında olmalı idi. Müxtəlif səbəblərdən bu proses uzandı. Lakin biz şadıq ki, artıq bu gün bu qərar verildi. Bu nominasiya bizim üçün xüsusi əhəmiyyətə malikdir. Çünki öz tarixi, zəngin irsi ilə Pskov Rusiya mədəniyyətinin beşiyi hesab oluna biləcək şəhərlər siyahısındadır. Şəhər, həmçinin Avropa mədəniyyətinin bir parçasıdır. Azərbaycan nümayəndə heyəti də daxil olmaqla bütün nümayəndə heyətləri tərəfindən ünvanımıza səslənən xoş, hərarətli sözlərə görə çox şadıq”.
Qeyd edək ki, Rusiya Federasiyasının təqdim etdiyi "Qədim Pskovun abidələri" nominasiyası sessiyada iyulun 7-də müzakirə olunaraq qəbul edilib.
Xətai Sənət Mərkəzində “Müşahidələrin fraqmentləri” adlı fərdi sərgi açılıb
Haaqada UNESCO üzrə Azərbaycan Respublikasının Milli Komissiyasının 30 illik yubileyi qeyd edilib
Bakıda Qırğız Mədəniyyəti Günləri keçiriləcək
“Xalqın mədəni sərvəti” layihəsi çərçivəsində regionlarda növbəti konsert təşkil edilib
“BakuOperArt” “Sərhədsiz Puşkin” adlı ədəbi-musiqili layihə təqdim edir