Bakı, 7 iyul, AZƏRTAC

Əfqanıstanın Qəzni vilayətinin eyni adlı inzibati mərkəzində baş verən partlayış nəticəsində 12 nəfər həlak olub, 43 nəfər xəsarət alıb.
AZƏRTAC TASS agentliyinə istinadla xəbər verir ki, bu barədə ölkənin Pacvok xəbər agentliyinin “Twitter”dəki səhifəsində məlumat verilib.
Agentliyin məlumatına görə, hadisə Əfqanıstan Milli Təhlükəsizlik İdarəsinin vilayət bölməsinin binası qarşısında avtomobilin partladılması nəticəsində baş verib. Həlak olanların 8-nin təhlükəsizlik qüvvələrinin əməkdaşı, 4-nün isə mülki şəxslər olduğu bildirilib. Xəsarət alanların əksəriyyəti isə məktəblilərdir.
Bölgədəki terrorçu qruplaşmalardan heç biri hələ ki məsuliyyəti öz üzərinə götürməyib.