İyulun 3-də “AgroX” innovasiya müsabiqəsinin yarımfinalçıları ilə görüş keçiriləcək
Bakı, 2 iyul, AZƏRTAC
Kənd Təsərrüfatı Nazirliyi ilə “Startap Azərbaycan” təşkilatının birgə “AgroX” innovasiya proqramının iyulun 3-də “Innoland” İnkubasiya və Akselerasiya Mərkəzində müsabiqənin yarımfinalçıları ilə görüş keçiriləcək.
AZƏRTAC xəbər verir ki, bu barədə “Startap Azərbaycan” məlumat yayıb.
Bildirilib ki, proqramda iştirak 51 layihə təqdim olunub. Görüşdə “AgroX” müsabiqəsində iyunun 23-də keçirilmiş ilkin seçimdə ikinci mərhələyə keçən 12 startap komandanın üzvləri iştirak edəcəklər. Görüşdə, həmçinin layihənin mentorları, partnyorlar və Kənd Təsərrüfatı Nazirliyinin nümayəndələri də iştirak edəcəklər.
Qeyd edək ki, “AgroX” Kənd Təsərrüfatı Nazirliyinin Aqrar Elm və İnnovasiyalar Mərkəzi və “Innoland” Akselerasiya Mərkəzinin dəstəyi ilə “Startap Azərbaycan” tərəfindən həyata keçirilir. Müsabiqənin mükafat fondu 12 min AZN müəyyən olunub. Birinci yerin qalibinə 6 min AZN, ikinci yer 4 min AZN, üçüncüyə isə 2 min AZN təqdim olunacaq.
“Azərkosmos” gələn il fevralda keçiriləcək “Beynəlxalq Kosmik Konvensiya 2024”də iştirak edəcək
Ölkənin informasiya təhlükəsizliyi və kibertəhlükəsizliyə dair Strategiyası təsdiq olunub - SƏRƏNCAM
Azərbaycan “Digitalisation and Channel Awards 2023” mükafatlandırılma mərasimində təmsil olunacaq
“Google” şirkətinin Bakı konfransına 1000-dən çox müraciət qeydə alınıb