Azərbaycan Dövlət
İnformasiya Agentliyi

A
A
A
Sazlamalar

SOCAR AQŞ “Günəşli” yatağında daha bir quyunun tikintisini vaxtından tez başa çatdırıb

Bakı, 27 iyun, AZƏRTAC

SOCAR AQŞ 7 saylı dəniz stasionar özülündən faktiki dərinliyi 2660 metr olan 342 nömrəli quyunun tikintisi işlərini təhlükəsiz, vaxtından xeyli əvvəl və ətraf mühitə heç bir ziyan vurmadan uğurla yekunlaşdırıb.
Bu barədə AZƏRTAC-a SOCAR AQŞ-dən bildirilib.
Əməliyyatların səmərəliliyinə nəzarət şöbəsinin müdiri Oktay Bağırov deyib ki, yeni nəsil qazma avadanlığı “Bentec 3000 HP” vasitəsilə 342 nömrəli quyu Balaxanı lay dəstəsi –X horizonta keyfiyyətlə qazılaraq sifarişçiyə təhvil verilib. Quyunun faktiki kommersiya sürəti 1698m/dəzgah/ay təşkil edib. Bu rəqəm özlüyündə quyu tikintisinin təhlükəsiz aparılmasının və qazmanın optimallaşdırılmasının nəticəsidir ki, sifarişçinin təyin etdiyi vaxtdan 1,5 dəfə az müddətə quyu qazılaraq təhvil verilib və yüksək iqtisadi səmərə əldə edilib. SOCAR AQŞ həmişə olduğu kimi, bu və növbəti quyuları da Sağlamlıq, Texniki Təhlükəsizlik və Ətraf Mühitin Mühafizəsi (STTƏMM) tələblərinə uyğun, heç bir mürəkkəbləşməyə yol vermədən, nəzərdə tutulan vaxtdan tez və iqtisadi səmərəli şəkildə tikərək sifarişçiyə təhvil verəcək.
Sifarişçi SOCAR-ın “Azneft” İstehsalat Birliyidir.

Neft - qaz 2019-06-27 19:03:00