Bakı, 25 iyun, AZƏRTAC 

Azərbaycan Milli Elmlər Akademiyasının (AMEA) akademik Ə.M.Quliyev adına Aşqarlar Kimyası İnstitutunun (AKİ) “Üzvi kimya” ixtisası üzrə təhsil alan I kurs magistrantlarının yay imtahan sessiyası başa çatıb.
İnstitutdan AZƏRTAC-a bildirilib ki, 1 ay davam edən sessiya müddətində magistrantların 7 fəndən yekun biliyi qiymətləndirilib.
Fəlsəfə, psixologiya və pedaqogika fənləri mərkəzləşdirilmiş formada AMEA-nın İnformasiya Texnologiyalar İnstitutunda yazılı imtahan formasında olub. Digər fənlər üzrə imtahanlar AKİ-də keçirilib.
Magistrantlar bütün fənlər üzrə imtahanlardan yüksək qiymət alaraq sessiyanı müvəffəqiyyətlə başa vurublar.