Azərbaycan Tibb Universiteti daha bir beynəlxalq təşkilata üzv qəbul edilib
Bakı, 24 iyun, AZƏRTAC
Çin Respublikasında "Bir Kəmər və Bir Yol Beynəlxalq Tibb Təhsili Alyansı"nın (BRIMEA) Ali Şurasının ikinci iclası və ali tibb təhsili üzrə 3-cü Beynəlxalq Forum keçirilib. Çin Tibb Universitetinin (CMU) ev sahibliyi etdiyi forumda Azərbaycan Tibb Universitetinin beynəlxalq əlaqələr şöbəsinin mübadilə proqramları üzrə əlaqələndiricisi Müşfiq Orucov "Azərbaycanda tibb təhsili: dünəni, bu günü və sabahı" mövzusunda çıxış edib.
Universitetin mətbuat xidmətindən AZƏRTAC-a verilən məlumata görə, həmyerlimiz Çin Kardiovaskulyar Assosiasiyasının təşkilatçılığı ilə Suzhou və Şanxay şəhərlərinin ən yüksək reytinqli xəstəxanaları ilə tanış olub, Çin Tibb Universitetinin rəhbərliyi ilə rəsmi görüşdə universitetlər arasında əməkdaşlıq haqqında geniş müzakirələr aparıb.
Forum çərçivəsində Azərbaycan Tibb Universiteti BRIMEA-nın üzvlüyünə qəbul edilib.
Ötən həftə Azərbaycanda COVID-19 əleyhinə 70 doza vaksin vurulub
Ötən həftə Azərbaycanda COVID-19 infeksiyasına 111 yoluxma faktı qeydə alınıb
COVID-19-un yeni variantı daha yüksək mutasiya qabiliyyətinə malikdir
COVID-19-un EQ.5 mutasiyasından qorunmaq üçün sadə gigiyenik qaydalara əməl etmək lazımdır
Çexiyalı kardioloqlar aritmiyanın müalicəsində yeni üsul hazırlayıblar