Azərbaycan Dövlət
İnformasiya Agentliyi

A
A
A
Sazlamalar

Tbilisidə kütləvi etiraz aksiyaları DİN-in binası qarşısında davam edəcək

Tbilisi, 23 iyun, AZƏRTAC
İyunun 23-də Tbilisidə parlamentin binası qarşısından keçirilən mitinqdə yeni qərar qəbul olunub.
AZƏRTAC xəbər verir ki, qərara əsasən etiraz aksiyası iyunun 24-də Gürcüstanın Daxili İşlər Nazirliyinin (DİN) qarşısında keçiriləcək.
Həmin gün aksiya iştirakçıları saat 14:00-da Birinci Respublika Meydanından avtomobillərlə nazirliyin binasına qədər yürüş edəcəklər. Daha sonra DİN-in qarşısında aksiya davam edəcək.
Aksiyada Daxili İşlər naziri Qeorqi Qaxarianın istefası tələb olunacaq.
Aksiyanın təşkilatçıları avtomobili olan hər kəsi yürüşə qoşulmağa dəvət edib.
Məlumat üçün qeyd edək ki, iyunun 23-də keçirilən aksiyada Gürcüstanın sabiq prezidenti Mixeil Saakaşvilinin həyat yoldaşı Sandra Rulofs da iştirak edib.
Xanım siyasətçi jurnalistlərə müsahibəsində aksiyanın tələblərini dəstəklədiyini bildirib.

Xətayi Əzizov
AZƏRTAC-ın xüsusi müxbiri
Tbilisi

Dünya 2019-06-24 04:18:00