Yapon alimlər smartfonların naqilsiz doldurulması üzərində işləyirlər
Tokio, 23 iyun, AZƏRTAC
Tokio Universitetinin alimlər qrupu smartfonları və digər qurğuları naqilsiz doldurma texnologiyaları üzərində çalışırlar.
AZƏRTAC xəbər verir ki, bu barədə NHK telekanalı məlumat yayıb. Bildirilir ki, bunun üçün 3x3 metr ölçüdə otaq ayıran alimlər onun döşəməsinə və divarlarına maqnit sahəsi yaradan xüsusi panellər yerləşdiriblər. Bundan əlavə, onlar smartfonun arxa hissəsinə maqnit dalğalarını elektrik enerjisinə çevirən kiçik çarx birləşdiriblər.
Bu təcrübədən sonra alimlər smartfonu naqilsiz doldurmağın və işığı birbaşa əlaqə yaratmadan yandırmağın mümkün olduğunu bildiriblər.
Vüqar Ağayev
AZƏRTAC-ın xüsusi müxbiri
Tokio
Antarktidada 20 qolu olan çiyələyə bənzər dəniz canlısı kəşf edilib
Ölü balinanın mədəsində 500 min avro dəyərində “üzən qızıl” tapılıb
Alim ölü kaşalotun içərisində 500 min avro dəyərində xəzinə aşkar edib