Azərbaycan Dövlət
İnformasiya Agentliyi

A
A
A
Sazlamalar

Paytaxtın Nizami rayonunda ticarət obyektində yanğın baş verib

Bakı, 23 iyun, AZƏRTAC

Bakının Nizami rayonu ərazisində, metronun "Neftçilər" stansiyasının yaxınlığında "X-Lady" və “İzabel” mağazalarının yerləşdiyi ticarət obyektində yanğın baş verib.
AZƏRTAC-ın hadisə yerindəki müxbiri xəbər verir ki, Fövqəladə Hallar Nazirliyinin 10-dan çox texnikası, eləcə də təcili tibbi yardım briqadaları hadisə yerinə cəlb olunub.
Hazırda alovun söndürülməsi işləri davam etdirilir.
Hadisə ilə əlaqədar operativ qərargah yaradılıb.
Ticarət obyektinin yerləşdiyi Məhəmməd Hadi küçəsi nəqliyyatın hərəkəti üçün bağlanıb.
Əlavə məlumat veriləcək.

Hadisə 2019-06-23 10:18:00