“Huawei” 5 ayda 100 milyondan çox smartfon satıb
Pekin, 22 iyun, AZƏRTAC
Çinin iri telekommunikasiya şirkəti “Huawei” cari ilin yanvar-may aylarında 100 milyondan çox smartfon satıb.
AZƏRTAC xəbər verir ki, “Huawei” bu il 100 milyon smartfon satışı həddinə ötən illə müqayisədə 49 gün daha əvvəl çatıb.
Şirkətin mobil telefon istehsal xəttinin rəhbəri Xı Qan deyib ki, satışların çoxalması sürətli enerji yığa bilən, habelə gecə vaxtı daha yaxşı selfi çəkilişləri üçün süni zəka texnologiyasına əsaslanan ön kamera ilə təchiz olunmuş “Nova 5” seriyalı smartfonlara marağın artması ilə bağlıdır.
Qeyd edək ki, cari ilin ilk rübündə dünyada smartfon satışlarının nəticələrinə əsasən “Huawei” şirkəti ABŞ-ın “Apple” korporasiyasını geridə qoyaraq “Samsung”dan sonra ikinci olub.
Şahin Cəfərov
AZƏRTAC-ın xüsusi müxbiri
Pekin
Kreml Fransanın mülkiyyət hüququnu pozmaqda ittiham edib
Ukrayna bu il silah-sursat alınmasına 4 milyard dollar xərcləyib
“SpaceX” daha 23 internet peykini orbitə çıxarıb
Almaniyada mənzil oğrularına qarşı ehtiyat tədbirləri açıqlanıb
Britaniyada 70 min nəfərə qarşı dələduzluq edən dəstə üzvləri həbs olunub