Yaponiyada leysan yağışlarına görə Maebaşi şəhərinin əhalisi təxliyə olunur
Tokio, 22 iyun, AZƏRTAC
Yaponiyanın Qumma prefekturasının Maebaşi şəhərinin əhalisinə leysan yağışları nəticəsində torpaq sürüşməsi təhlükəsi ilə əlaqədar təxliyə tövsiyə edilib.
AZƏRTAC NHK telekanalına istinadla xəbər verir ki, ümumilikdə 3966 nəfərə təxliyə xəbərdarlığı göndərilib. Bildirilir ki, torpaq sürüşməsi nəticəsində şəhərdəki körpünün bir hissəsi dağılıb. Bundan əlavə, torpaq sürüşməsinin və yağışların avtomobil yolunun 14 hissəsində fəsadlar törətdiyi də bildirilir.
Yaxın günlərdə Qumma prefekturasının yerləşdiyi Kanto regionunda güclü yağışların davam edəcəyi gözlənilir. Sinoptiklərin bildirdiyinə görə, 50 millimetrədək yağıntı düşəcəyi proqnozlaşdırılır.
Vüqar Ağayev
AZƏRTAC-ın xüsusi müxbiri
Tokio
Zaxarova: ABŞ-ın Ukrayna, İsrail və Tayvana yardımı böhranı daha da dərinləşdirəcək
Bayden: Ukraynaya yardım döyüş meydanında təcili ehtiyacların ödənilməsi üçün zəruridir
ABŞ Konqresi Ukraynaya 61 milyard dollarlıq yardıma dair qanun layihəsini qəbul edib
Yaponiyada 2 hərbi helikopterlə əlaqə kəsilib
Zelenski: Ukrayna ABŞ-la təhlükəsizlik zəmanəti üzrə razılaşmaya yaxınlaşır