Tbilisidə müxalifətin növbəti aksiyası başlayıb
Tbilisi, 21 iyun, AZƏRTAC
Tbilisidə müxalifətin növbəti etiraz aksiyası başlayıb.
AZƏRTAC xəbər verir ki, artıq parlamentin binası önündə iki mindən çox adam toplaşıb. Mitinqdə əsasən Daxili İşlər naziri Georgi Qaxariyanın istefası və iyunun 20-də keçirilmiş aksiya zamanı saxlanılanların dərhal azad edilməsi tələb olunur.
Gürcüstanın əsas müxalifət partiyalarının rəhbərləri xalqa müraciət edərək hamını Rustaveli prospektinə - parlamentin binası önünə toplaşmağa çağırırlar.
Məlumat üçün qeyd edək ki, iyunun 20-də Tbilisidə Rusiya nümayəndə heyətinin Parlamentlərarası Pravoslav Assambleyasında iştirakına qarşı kütləvi etiraz aksiyası keçirilib. Parlamentin binasına girməyə cəhd göstərən etirazçılarla polis arasında qarşıdurma yaşanıb.
Xətayi Əzizov
AZƏRTAC-ın xüsusi müxbiri
Tbilisi
Bir ay tam yuxu alan insanlar özlərini 6 yaş cavan hiss edirlər - Araşdırma
Brüsseldə zorakılıq halları nəzarətdən çıxır
Türkiyə 10 illik fasilədən sonra Liviyaya uçuşları bərpa edib
Uşaqlıq və yeniyetməlik dövründə oturaq həyat tərzi damar sərtliyini artıra bilər
Pentaqon: Rusiya ABŞ-ın terror aktı ilə bağlı xəbərdarlığına məhəl qoymayıb