“Azərbaycan Əlillər Cəmiyyəti” İctimai Birliyinin yaradılmasının 30 illiyi qeyd edilib
Bakı, 20 iyun, AZƏRTAC
“Azərbaycan Əlillər Cəmiyyəti” İctimai Birliyinin yaradılmasının 30 illiyi ilə bağlı tədbir keçirilib.
AZƏRTAC xəbər verir ki, tədbirdə çıxış edən ictimai birliyin sədri Xədicə Mikayılova əlillərin sosial müdafiəsinin dövlətin müəyyənləşdirdiyi prioritet istiqamətlərdən olduğunu deyib. Bu kateqoriyadan olan insanların cəmiyyətə inteqrasiyası istiqamətində görülən işlərdən danışan sədr təşkilatın əsas məqsədinin əlillərin işlə təminatı, tibbi, sosial, təhsil və məişət məsələlərinin həllinə kömək göstərmək olduğunu diqqətə çatdırıb. Digər çıxış edənlər də əlilliyin qarşısının alınması və bu kateqoriyadan olan insanlara qayğının göstərilməsi ilə bağlı həyata keçirilən maarifləndirmə tədbirlərindən danışıblar.
Tədbir zamanı, həmçinin bir qrup şəxs “Azərbaycan Əlillər Cəmiyyəti” İctimai Birliyinin yaradılmasının 30 illiyi münasibətilə Fəxri Fərmanla mükafatlandırılıb.
Laçında özünüməşğulluq proqramının icrasına başlanılıb
“Ay Laçın” – doğma və kövrək duyğularla VİDEO
Avqust ayının müavinət, təqaüd və ünvanlı sosial yardımları tam ödənilib
Qida sahəsində fəaliyyət göstərən 7 müəssisədə nöqsanlar aşkarlanıb