Bakı, 18 iyun, AZƏRTAC

Gənclər üçün Təhsil Mərkəzinin (GTM) baş katibi Gülnar Xəlilova ATƏT-in Demokratik Təsisatlar və İnsan Haqları Bürosunun Belqradda təşkil etdiyi uzunmüddətli müşahidəçilər üçün təlim proqramında iştirak edib.
GTM-dən AZƏRTAC-a bildiriblər ki, təlim proqramına 15 ölkədən 27 nümayəndə seçilib.
Büronun ekspertləri iştirakçılara ATƏT-ə ümumi baxış və çağırışlar, ATƏT-in müvafiq Bürosu və seçki müşahidəsinə giriş, seçki standartları və öhdəlikləri, uzunmüddətli və qısamüddətli müşahidəçilərin missiyaları və s. mövzularda təlimlər keçiblər.
Sonda iştirakçılara sertifikatlar təqdim olunub. Proqramın iştirakçıları beynəlxalq seçki müşahidəçiləri statusu əldə ediblər.