Antverpen gömrükxanasında rekord həcmdə yeni kokain partiyası saxlanılıb
Brüssel, 17 iyun, AZƏRTAC
Deyəsən, Antverpen Latın Amerikasından Avropaya kokain göndərilməsi yolunda əsas “yükaşırma” məntəqəsinə çevrilməkdədir.
AZƏRTAC keçən həftə xəbər vermişdi ki, Antverpen gömrükçüləri 617 kiloqram kokain tutublar. Elə həmin həftə yerli polis silah alverçilərini təqib edərkən təsadüfən daha 151 kiloqram eyni növlü narkotik aşkar edib.
Bu gün isə Antverpen limanındakı gömrükçülər Latın Amerikasından göndərilən konteynerə baxış zamanı özlərinin əvvəlki rekordunu təzələyiblər: bu dəfə üç tondan çox kokain tapılıb.
Düyü kisələrində gizlədilmiş kokain Niderlandda adları hələ bildirilməyən alıcılar üçün nəzərdə tutulubmuş.
Təhqiqat başlanıb.
Vüqar Seyidov
AZƏRTAC-ın xüsusi müxbiri
Brüssel
Tədqiqat: 7 saatdan az yuxu yüksək təzyiq riskini artırır
Alimlər virusların insandan heyvana daha çox keçdiyini ortaya çıxarıblar
İsveç arxeoloqları XII əsrə aid gümüş sikkələr aşkarlayıblar
Finlandiyada etiraz nümayişləri Pasxa bayramından sonra davam edəcək
Bir ay tam yuxu alan insanlar özlərini 6 yaş cavan hiss edirlər - Araşdırma