Yaponiyada “ördək-robot” düyü əkininə yardım edir
Tokio, 14 iyun, AZƏRTAC
Yaponiyanin şimal-şərqində Yamaqata prefekturasındakı düyü tarlalarında alaq otlarını məhv etmək məqsədilə “ördək-robot”dan istifadə olunur.
AZƏRTAC Jiji Press agentliyinə istinadla xəbər verir ki, “Nissan” avtomobil şirkətinin mütəxəssisləri tərəfindən hazırlanan robot iki vinti vasitəsilə su dolu torpağı qarışdıraraq alaq otlarının fotosintez prosesinə mane olur.
Təqribən 60 santimetr ölçüdə, kvadratşəkilli “ördək-robot” 1,5 kiloqram ağırlığındadır. Bu robot Qlobal Mövqetəyinetmə Sistemindən (GPS) istifadə edərək düyü tarlasında hərəkət edir. Robotun yaradılmasında məqsəd düyü istehsalı zamanı pestisidlərdən istifadənin qarşısını almaqdır.
Vüqar Ağayev
AZƏRTAC-ın xüsusi müxbiri
Tokio
Antarktidada 20 qolu olan çiyələyə bənzər dəniz canlısı kəşf edilib
Ölü balinanın mədəsində 500 min avro dəyərində “üzən qızıl” tapılıb
Alim ölü kaşalotun içərisində 500 min avro dəyərində xəzinə aşkar edib