Azərbaycan Dövlət
İnformasiya Agentliyi

A
A
A
Sazlamalar

BP: Keçən il qlobal enerji istehlakı 3 faizədək artıb

Bakı, 12 iyun, AZƏRTAC
Ötən il qlobal enerji istehlakı əvvəlki ilə görə 2,9 faiz artaraq 13,8 milyard ton neft ekvivalentinə çatıb.
AZƏRTAC xəbər verir ki, bu barədə BP-nin hesabatında deyilir. Bildirilir ki, bu artım 2010-cu ildən indiyədək ən böyük illik artım göstəricisidir.
Qlobal enerji istehlakında əsas ölkələr Çin, ABŞ və Hindistan olub. Belə ki, Çinin energetika bazarı ardıcıl 18 ildir ki, dünyada ən böyük illik artım göstərən bazarıdır. Ötən il Çində enerji istehlakı əvvəlki illə müqayisədə 4,3 faiz artaraq 3,2 milyard ton neft ekvivalentinə çatıb. İl ərzində ABŞ-ın enerji istehlakı 2,3 milyard ton, Hindistanın istehlakı isə 809 milyon ton neft ekvivalenti təşkil edib.

Neft - qaz 2019-06-12 18:38:00