×
A
A
A
Sazlamalar

Energetika naziri “Mərkəzi Azəri” platformasında olub

Bakı, 10 iyun, AZƏRTAC

Energetika naziri Pərviz Şahbazov “Mərkəzi Azəri” platformasına baş çəkib.
Energetika Nazirliyindən AZƏRTAC-a bildirilib ki, nazir BP-nin Azərbaycan, Gürcüstan və Türkiyə üzrə regional prezidenti Qəri Counz, SOCAR-ın yataqların işlənməsi üzrə vitse-prezidenti Yaşar Lətifov və digər nümayəndələrin iştirakı ilə platformanın ərazisinə baxış keçirib, platformanın fəaliyyəti ilə tanış olub.
Q.Counz “Azəri-Çıraq-Günəşli” yataqlar blokunun cari vəziyyəti, “Mərkəzi Azəri” platformasında aparılmış profilaktik təmir işləri, platformada qurulmuş müasir texniki, təhlükəsizlik sistemi və planlaşdırılan yeni tədbirlər barədə məlumat verib.
Səfər zamanı həmçinin “Azəri-Çıraq-Günəşli” yataqlar blokunun işlənməsinin növbəti mərhələsi olan “Azəri-Mərkəzi-Şərqi” layihəsi çərçivəsində görüləcək işlər diqqətə çatdırılıb.
Xatırladaq ki, “Mərkəzi Azəri” platforması “Azəri” yatağında quraşdırılmış 3 platformadan biri olmaqla, “Azəri-Çıraq-Günəşli” layihəsinin ilk mərhələsində istismara verilib.

Neft - qaz 2019-06-10 17:11:00