Azərbaycanda ilk dəfə Gənclər İnternet İdarəçilik Forumu keçirilir
Bakı, 1 iyun, AZƏRTAC
“İnnovasiya Festivalı” çərçivəsində ölkəmizdə ilk dəfə Gənclər İnternet İdarəçilik Forumu işə başlayıb.
Nəqliyyat, Rabitə və Yüksək Texnologiyalar Nazirliyinin mətbuat xidmətindən AZƏRTAC-a bildirilib ki, üç gün davam edəcək forum nazirliyin, Azərbaycan Gənclər Fondunun və Birləşmiş Millətlər Təşkilatının İnkişaf Proqramının təşkilatçılığı ilə keçirilir.
BMT-nin hesablamalarına əsasən, bu gün 18-25 yaşlı gənclər internetsiz dünyanı tanımayan ilk nəsildir. Lakin buna baxmayaraq, dünya əhalisinin demək olar ki, yarısının internetə çıxışı yoxdur. Dünyanın müxtəlif ölkələrindən olan gənclər “Biz birlikdə bunu dəyişə bilərik!”, “Bizim dəyişmək istədiyimiz budur!” şüarı ilə Azərbaycanda bir araya toplanıb.
Tədbirə Niderland, Ukrayna, Gürcüstan, Albaniya, Yunanıstan, Moldova, Serbiya və Azərbaycanın müxtəlif regionlarından gənclər qatılıb. İlk iki gün gənclərin internet və inkişaf məqsədilə onun daha geniş tətbiqi istiqamətlərində nəzəri və praktik biliklərinin möhkəmlənməsinə həsr olunub.
İnternet idarəçiliyinin gələcəyi haqqında maraqlı debatlar, rəqəmli sahə üzrə inkişaf tendensiyaları haqqında şərhlər, gənclərin bu prosesdə qəbul edəcəkləri qərarlar və siyasi arqumentlərlə zəngin olacaq yekun tədbir isə iyunun 3-də keçiriləcək.
“Azərkosmos” gələn il fevralda keçiriləcək “Beynəlxalq Kosmik Konvensiya 2024”də iştirak edəcək
Ölkənin informasiya təhlükəsizliyi və kibertəhlükəsizliyə dair Strategiyası təsdiq olunub - SƏRƏNCAM
Azərbaycan “Digitalisation and Channel Awards 2023” mükafatlandırılma mərasimində təmsil olunacaq
“Google” şirkətinin Bakı konfransına 1000-dən çox müraciət qeydə alınıb