® “Nar” şəbəkəsi Avropa Liqasının final oyununa hazırdır
Mayın 29-da Arsenal-Çelsi arasında baş tutacaq final oyunu ilə əlaqədar “Nar” yerli və əcnəbi azarkeşlərin mobil şəbəkə üzərindən rabitə xidmətlərinə olan tələbatını qarşılamağa tam hazırdır. Bununla əlaqədar olaraq oyunun keçiriləcəyi Bakı Olimpiya Stadionu və azarkeşlər üçün müxtəlif növ tədbirlərin təşkil ediləcəyi ərazilərdə mobil rabitə şəbəkəsində təkmilləşdirmə işləri artıq yekunlaşıb.
“Nar” Bakı Olimpiya Stadionu və ətraf ərazilər, “FAN” zona və “FAN Festival” ərazilərində mobil şəbəkə tutumunu optimallaşdırıb. Xüsusilə, stadion ərazisində izləyicilər 286 Mbps sürətlə malik 4G (LTE-A) texnologiyasının üstünlüklərindən faydalana biləcəklər. Paytaxtımıza gələcək qonaqların və yerli azarkeşlərin mobil şəbəkəyə olan ehtiyaclarını nəzərə alaraq fanatlar üçün təyin olunmuş ərazilərdə 2 mobil baza stansiyası təyin olunub. Qeyd edək ki, respublika ərazisində mobil şəbəkənin 24/7 təhlili “Nar”ın “Əməliyyat Mərkəzi” və Çağrı mərkəzinin əməkdaşları tərəfindən daim nəzarətdə saxlanılır.
UEFA Avropa Liqasının final oyunu ilə əlaqədar xaricdən gələn azarkeşlərin nömrəyə olan tələbatını ödəmək məqsədilə mobil operatorun satış komandası da gücləndirilmiş iş rejiminə keçib. “Nar”ın bütün satış mərkəzlərində, eyni zamanda, Heydər Əliyev Beynəlxalq Aeroportundakı səyyar satış məntəqəsində də “Nar” nömrə almaq mümkün olacaq. Ölkəmizə gələn xarici turistlər “Nar”ın sərfəli “Xoş gəlmisiniz” tarifindən istifadə edə bilərlər.
“Nar” şəbəkəsi haqqında ətraflı məlumatı “nar.az” internet səhifəsindən öyrənmək olar.
“Azərkosmos” gələn il fevralda keçiriləcək “Beynəlxalq Kosmik Konvensiya 2024”də iştirak edəcək
Ölkənin informasiya təhlükəsizliyi və kibertəhlükəsizliyə dair Strategiyası təsdiq olunub - SƏRƏNCAM
Azərbaycan “Digitalisation and Channel Awards 2023” mükafatlandırılma mərasimində təmsil olunacaq
“Google” şirkətinin Bakı konfransına 1000-dən çox müraciət qeydə alınıb