Bakı, 27 may, AZƏRTAC

Azərbaycan Milli Kitabxanasında “28 may - Respublika Günüdür” adlı kitab sərgisi açılıb.
AZƏRTAC xəbər verir ki, sərgidə Azərbaycan və xarici dillərdə Azərbaycan Xalq Cümhuriyyətinin yaranması, tarixi, qurucuları haqqında ədəbiyyat nümayiş olunur.
Sərgi bir həftə davam edəcək.
Qeyd edək ki, 1918-ci il may ayının 28-də müsəlman Şərqində ilk dünyəvi demokratik dövlət - Azərbaycan Xalq Cümhuriyyəti yaradılıb. Bu respublika millətimizin tarixi yaddaşında Azərbaycan dövlətçiliyinin ilk təcrübəsi kimi iz qoyub. Təəssüflər olsun ki, Azərbaycan Xalq Cümhuriyyəti gərgin və mürəkkəb ictimai-siyasi şəraitdə cəmi 23 ay fəaliyyət göstərə bilib. Lakin 1991-ci ildə Sovet imperiyasının dağılması ilə Azərbaycan yenidən öz müstəqilliyini elan edib.