Azərbaycanlıların rəqs qrupu Kiyevdə beynəlxalq uşaq festivalında təmsil olunub
Kiyev, 26 may, AZƏRTAC
“Kiyev günləri” çərçivəsində Ukraynanın paytaxtında keçirilən “Solneçnıy kaştançik” beynəlxalq uşaq festivalında soydaşlarımızdan ibarət rəqs qrupu da təmsil olunub.
AZƏRTAC xəbər verir ki, IX beynəlxalq uşaq festivalında Birləşmiş Ukrayna Azərbaycanlıları Konqresinin Dnepropetrovsk vilayətinin “Çinar” rəqs qrupunun rəngarəng çıxışları tamaşaçıların zövqünü oxşayıb. Onların təqdim etdiyi rəqs nömrələri alqışlarla qarşılanıb.
Bir çox xarici ölkələrdən rəqs qruplarının qatıldığı festivalın məqsədi həvəskar uşaqların sənətini və yaradıcılığını təbliğ etmək, Ukraynada yaşayan xalqların mədəniyyətinin və ənənələrinin müxtəlifliyini nümayiş etdirmək, onların folklorunu tanıtmaq, gənc sənətkarlar arasında təcrübə mübadiləsinə dəstək verməkdir.
Festivalın sonunda “Çinar” rəqs qrupunun üzvləri xüsusi diplomla mükafatlandırılıb.
Emil Hüseynli
AZƏRTAC-ın xüsusi müxbiri
Kiyev
Xətai Sənət Mərkəzində “Müşahidələrin fraqmentləri” adlı fərdi sərgi açılıb
Haaqada UNESCO üzrə Azərbaycan Respublikasının Milli Komissiyasının 30 illik yubileyi qeyd edilib
Bakıda Qırğız Mədəniyyəti Günləri keçiriləcək
“Xalqın mədəni sərvəti” layihəsi çərçivəsində regionlarda növbəti konsert təşkil edilib
“BakuOperArt” “Sərhədsiz Puşkin” adlı ədəbi-musiqili layihə təqdim edir