Bakı, 26 may, AZƏRTAC

Bu gün Milli Kitabxanada Azərbaycanın görkəmli ziyalılarından biri, folklorşünas alim Vəli Məmmədhüseyn oğlu Xuluflunun anadan olmasının 125 illiyi münasibətilə sərgi açılıb.
Milli kitabxanadan AZƏRTAC-a bildiriblər ki, "Vəli Xuluflu-125" adlı sərgidə alimin Azərbaycan və xarici dillərdə çap olunmuş əsərləri, redaktoru olduğu və tərcümə etdiyi, haqqında yazılmış kitablar, dövrü mətbuat materialları nümayiş olunur.
Sərgi bir həftə davam edəcək.