Bakı, 26 may, AZƏRTAC
Bu gün İraqda İŞİD terror qruplaşmasının üzvü olan üç fransız ölüm cəzasına məhkum edilib.
AZƏRTAC xəbər verir ki, bu barədə France-Press agentliyi Bağdaddakı məhkəmə mənbəyinə istinadla məlumat yayıb. Kevin Qono, Leonard Lopez və Səlim Maçu adlı bu şəxslər Suriyada İŞİD-ə qarşı əməliyyatların gedişində tutulmuşdular. Onlar daha 9 fransızla birlikdə fevral ayında İraqa göndərilmişdi.
Mühakimə olunanların məhkəmə hökmündən apellyasiya şikayəti vermək üçün 30 gün vaxtları var.