Azərbaycan Dövlət
İnformasiya Agentliyi

A
A
A
Sazlamalar

Avropa çempionatında gənclər arasında aerodans, qrup və trio proqramlarında qaliblər məlum olub

Bakı, 26 may, AZƏRTAC
Milli Gimnastika Arenasında keçirilən aerobika gimnastikası üzrə 11-ci Avropa çempionatında gənclər arasında aerodans, trio və qrup proqramlarında yarışların qalibləri müəyyənləşib.
AZƏRTAC xəbər verir ki, aerodans proqramında çıxış edən gənclərdən ibarət Azərbaycan komandası (Aysel Aslanzadə, Xədicə Quliyeva, Lalə Quliyeva, Fatimə Qurbanova, Emiliya Mahmudova və Eleonora Yusifova) 16,225 balla yeddinci pillədə qərarlaşıb.
Bu proqramda Rusiya komandası 17,700 balla birinci yerə layiq görülüb. Rumıniya komandası ikinci (17, 350 bal), Macarıstan yığması (17, 200 bal) üçüncü yeri tutub.
Trio yarışlarında fəxri kürsünün ilk pilləsinə “Rusiya-2” komandası çıxıb (20,100 bal). İkinci və üçüncü pillələrdə müvafiq olaraq, “Rumıniya-2” (19,950 bal) və “Rusiya-1” (19,550 bal) komandaları qərarlaşıblar.
Rusiya gimnastları qrup yarışlarında da ilk pillədə yer alıblar (20,050 bal). Sonrakı yerləri İtaliya (19,600 bal) və Macarıstan (19,600 bal) idmançıları tutublar.

İdman 2019-05-26 14:35:00