“Kiyev günləri” çərçivəsində növbəti tədbir keçirilib
Kiyev, 25 may, AZƏRTAC
Mayın 25-də Kiyev Şəhər Dövlət Administrasiyasının binasında “Kiyev günləri” çərçivəsində rəsmi tədbir keçirilib.
AZƏRTAC xəbər verir ki, tədbirdə Bakı Şəhər İcra Hakimiyyətinin başçısı Eldar Əzizov, həmçinin bir çox ölkələrin merləri, səfirlər, yerli KİV-lər iştirak ediblər.
Qonaqları salamlayan Kiyev şəhərinin meri Vitali Kliçko bildirib ki, “Kiyev günləri” ilə bağlı paytaxtda 30-a yaxın müxtəlif tədbir keçirilir. “Kiyev günləri” artıq beynəlxalq bir tədbirə çevrilib. Bu günlərdə paytaxta xarici ölkələrdən turistlər gəlir. Məqsədimiz Kiyevi daha da gözəlləşdirməkdir.
Tədbirdə çıxış edərək Bakı Şəhər İcra Hakimiyyətinin başçısı Eldar Əzizov Azərbaycan-Ukrayna əlaqələrinin strateji xarakter daşıdığını deyib, həmçinin Bakı və Kiyev arasında əməkdaşlığın əhəmiyyətindən bəhs edib. Bildirib ki, Azərbaycan Prezidenti İlham Əliyev Ukrayna ilə əlaqələrin genişlənməsinə böyük önəm verir. Bakı və Kiyev öz təcrübələrindən istifadə edərək paytaxtlarda birgə layihələr həyata keçirə bilər.
Daha sonra tədbir bədii hissə ilə davam etdirilib.
Emil Hüseynli
AZƏRTAC-ın xüsusi müxbiri
Kiyev
Qərbin “sığortası” yeni münaqişə ocağı yaradacaq və ya iqtisadi tənəzzüllə bitəcək - ŞƏRH
Qərbi Azərbaycan İcması bəyanat yayıb
Mariya Zaxarova Azərbaycanın guya Ukraynaya silah tədarük etməsi ilə bağlı şayiələri şərh edib