Bakı, 25 may, AZƏRTAC

Mayın 25-də Azərbaycanda Qadın Sahibkarlığının İnkişafı Assosiasiyası (AQSİA) tərəfindən xanımlar üçün ödənişsiz marketinq təlimi təşkil olunub.
AQSİA-dan AZƏRTAC-a bildirilib ki, 25 nəfərin iştirak etdiyi təlim “Media Marketing” şirkətinin nümayəndəsi Alxan Xələfov tərəfindən keçirilib. Təlimdə iştirakçılara marketinq, qiymət siyasəti, brendinq, strategiya, reklam və internet marketinq haqqında məlumatlar verilib. İştirakçılara sertifikat təqdim edilib.