Azərbaycan Tbilisidə keçiriləcək beynəlxalq kitab yarmarkasına dəvət olunub
Tbilisi, 25 may, AZƏRTAC
Mayın 30-da Gürcüstan paytaxtı Tbilisidə XXI kitab festivalı keçiriləcək.
AZƏRTAC xəbər verir ki, iyunun 2-dək davam edəcək beynəlxalq tədbirə Azərbaycan da dəvət olunub.
Tbilisidəki “Expo Georgia” sərgi salonunda keçiriləcək festival bu il fərqli olacaq. Belə ki, bu il kitabsevərlərə iki pavilyon xidmət göstərəcək. Birinci pavilyonda müxtəlif nəşriyyatlar, müxtəlif elmi, bədii nəşrlər, ikinci pavilyonda isə balacalar üçün nağıl, dastan və əyləncəli kitablar təqdim olunacaq.
1997-ci ildən keçirilən festivalda gürcü yazıçılarla yanaşı, xarici ölkələrin tanınmış ədiblərinin, elm xadimlərinin əsərləri nümayiş etdirilir.
Festival çərçivəsində kitab və digər nəşrlərin güzəştli şərtlərlə satışı da həyata keçiriləcək.
Xətayi Əzizov
AZƏRTAC-ın xüsusi müxbiri
Tbilisi
Xətai Sənət Mərkəzində “Müşahidələrin fraqmentləri” adlı fərdi sərgi açılıb
Haaqada UNESCO üzrə Azərbaycan Respublikasının Milli Komissiyasının 30 illik yubileyi qeyd edilib
Bakıda Qırğız Mədəniyyəti Günləri keçiriləcək
“Xalqın mədəni sərvəti” layihəsi çərçivəsində regionlarda növbəti konsert təşkil edilib
“BakuOperArt” “Sərhədsiz Puşkin” adlı ədəbi-musiqili layihə təqdim edir