Yaponiya hökuməti kibertəhlükəsizliklə bağlı əlavə maliyyələşdirmə məsələsini müzakirə edəcək
Tokio, 24 may, AZƏRTAC
Yaponiya hökuməti zərərli funksiyalara malik telekommunikasiya avadanlığının aşkar edilməsi üçün növbəti maliyyə ilində büdcədən əlavə vəsait ayrılması məsələsini müzakirə edəcək.
AZƏRTAC Yaponiya KİV-lərinə istinadla xəbər verir ki, bu barədə məsələ Yaponiya hökuməti yanında kibertəhlükəsizlik üzrə xüsusi qrupun iclasında müzakirə edilib.
Xatırladaq ki, ötən həftə ABŞ-ın Maliyyə Nazirliyi, Yaponiya da daxil olmaqla, ABŞ-da və digər ölkələrdə fəaliyyət göstərən şirkətlərə Çinin “Huawei” şirkəti və onunla əlaqədar 68 digər qurumlarla işbirliyini qadağan edib.
Yaponiya Nazirlər Kabinetinin baş katibi Yoşihide Suqa iclasda çıxışı zamanı bildirib ki, real və virtual dünyaların fəal yaxınlaşması nəticəsində kiberhücum təhlükəsi artır. Y.Suqa Nazirlər Kabinetinin üzvlərini fəal və fasiləsiz tədbirlərin görülməsi üçün cəmiyyətə yardım etməyə çağırıb.
Xüsusi qrup, həmçinin hökumətin və kibertəhlükəsizliklə məşğul olan şirkətlərin kiberhücumların qarşısını almaq üçün istifadə etdiyi sistemlərin işinin yaxşılaşdırılması məqsədilə əlavə maliyyə vəsaitinin xahiş edilməsi barədə qərar qəbul edib.
Vüqar Ağayev
AZƏRTAC-ın xüsusi müxbiri
Tokio
Bərənin Neapol limanının körpüsünə çırpılması nəticəsində 30-a yaxın insan yaralanıb
Çexiyanın dövlət borcu 136 milyard dollara yüksəlib
ABŞ İsrailə 1 milyard dollarlıq mərmi tədarükü imkanını araşdırır
G7 ölkələri Ukraynanın hava hücumundan müdafiəsini gücləndirəcəklər