Tbilisidə açılan “Səmada nahar” restoranı qonaqların marağına səbəb olub
Tbilisi, 24 may, AZƏRTAC
Məşhur “Dinner İn The Sky” şirkətinin Gürcüstanın paytaxtı Tbilisi şəhərində açdığı “Səmada nahar” restoranı böyük marağa səbəb olub.
AZƏRTAC xəbər verir ki, Tbilisinin Kocori qəsəbəsində açılmış bu restoran hamı üçün əlçatan olmasa da, böyük maraqla qarşılanıb.
Yerdən 50 metr hündürlükdə xüsusi qaldırıcı kranda yerləşdirilmiş ictimai iaşə obyekti (restoran) eyni vaxtda 22 nəfərə xidmət göstərir. Bir müştəri üçün qiymət isə 199 laridən 345 lariyə qədər dəyişir (təqribən 72-124 dollar).
Restoranda müştərilərə əsasən gürcü mətbəxinin təamları və gürcü şərabı təklif olunur.
Açılış mərasimindən keçən bir həftə ərzində “Səma restoranı”nı 100-dən çox qonaq ziyarət edib.
“Dinner İn The Sky” şirkəti bu restoran üçün 5 milyon dollar sərmayə qoyub. Şirkət ikinci belə bir restoranı 2020-ci ildə Batumidə açmaq niyyətindədir.
Məlumat üçün qeyd edək ki, ilk “Səmada nahar” restoranı 2006-cı ildə Belçikada açılıb.
Gürcüstan bu cür ekstremal məkanın istifadəyə verildiyi 71-ci ölkədir.
Restoran yalnız yaz və yay mövsümlərində işləyəcək.
Xətayi Əzizov
AZƏRTAC-ın xüsusi müxbiri
Tbilisi
Zaxarova: ABŞ-ın Ukrayna, İsrail və Tayvana yardımı böhranı daha da dərinləşdirəcək
Bayden: Ukraynaya yardım döyüş meydanında təcili ehtiyacların ödənilməsi üçün zəruridir
ABŞ Konqresi Ukraynaya 61 milyard dollarlıq yardıma dair qanun layihəsini qəbul edib
Yaponiyada 2 hərbi helikopterlə əlaqə kəsilib
Zelenski: Ukrayna ABŞ-la təhlükəsizlik zəmanəti üzrə razılaşmaya yaxınlaşır