Oğurluq etməkdə şübhəli bilinən şəxslər tutulublar
Bakı, 23 may, AZƏRTAC
Şəkidə və paytaxtın Nəsimi rayonu ərazisində oğurluq edən şəxslər saxlanılıb.
Daxili İşlər Nazirliyinin mətbuat xidmətindən AZƏRTAC-a bildiriblər ki, Nəsimi Rayon Polis İdarəsinin 22-ci Polis Şöbəsinin əməkdaşlarının keçirdikləri əməliyyat tədbirləri nəticəsində rayon ərazisində “Hyundai” və “Ford” markalı iki avtomobildən mobil telefon oğurlamaqda şübhəli bilinən Naxçıvan şəhər sakini, əvvəllər oğurluğa görə məhkum olunmuş H.Səfərov tutulub.
Şəki Şəhər Rayon Polis Şöbəsinin əməkdaşlarının keçirdikləri əməliyyat tədbirləri nəticəsində rayon ərazisindəki kafelərin birində şəhər sakini N.Cəfərovun içərisində 725 manat olan pulqabısını oğurlamaqda şübhəli bilinən həmyerlisi Q.Qədirova yaxalanıb.
Faktlarla bağlı araşdırma aparılır.
“Tik-Tok”da “kreditə qızıl satılır” adı altında vətəndaşları talayan dəstə üzvləri saxlanılıb
Bakı Ağır Cinayətlər Məhkəməsinin hakimi intihar edib
“Binə” və “Sədərək” ticarət mərkəzlərini su basıb, əraziyə xilasetmə qüvvələri cəlb edilib VİDEO
Fatmayı kəndində dənizdə batan şəxsin meyiti tapılıb - YENİLƏNİB
FHN: Ötən sutka ərzində 40 yanğına çıxış olub, 13 nəfər xilas edilib VİDEO