Bakı Şəhər İcra Hakimiyyətinin başçısı Kiyevdə müalicə alan Milli Qəhrəmanımızla görüşüb
Kiyev, 23 may, AZƏRTAC
Bakı Şəhər İcra Hakimiyyətinin başçısı Eldar Əzizov Ukraynanın paytaxtı Kiyev şəhərinə səfərə gəlib.
AZƏRTAC xəbər verir ki, Eldar Əzizov əvvəlcə ümummilli lider Heydər Əliyevin adını daşıyan istirahət parkında Ulu Öndərin abidəsini ziyarət edib, önünə tər çiçəklər düzüb.
Azərbaycanın Ukraynadakı səfiri Azər Xudiyev Bakı Şəhər İcra Hakimiyyətinin başçısına park haqqında məlumat verib.
Sonra Eldar Əzizov Kiyev şəhərində insult keçirən Milli Qəhrəman Zabit Quliyevin müalicə aldığı A.P.Romodanova adına Neyro-Cərrahiyyə İnstitutuna gəlib. Eldar Əzizov qeyd edib ki, dövlətimizin başçısının birbaşa göstərişi ilə Milli Qəhrəmanın müalicəsi nəzarət altında saxlanılır. Azərbaycan dövləti hər zaman Milli qəhrəmanlarımıza, şəhid ailələrinə, Vətən uğrunda döyüşən hər bir vətəndaşına xüsusi qayğı ilə yanaşır, yardım edir.
Z.Quliyev ona göstərilən diqqət və qayğıya görə Prezident İlham Əliyevə təşəkkürünü bildirib.
Emil Hüseynli
AZƏRTAC-ın xüsusi müxbiri
Kiyev
ABŞ səfiri Ağdamın işğaldan azad edilmiş ərazisində səfərdə olub
İranlı narkotacirin Azərbaycandakı narkokuryerində 12 kiloqram marixuana aşkarlanıb
Aprel döyüşlərinin son şəhidi polkovnik-leytenant Sənan Axundovun xatirəsi anılıb