Jurnalist Fuad Abbasovla bağlı məsələ Azərbaycanın Rusiyadakı səfirliyinin nəzarətindədir
Moskva, 22 may, AZƏRTAC
Azərbaycanın Rusiyadakı səfirliyi jurnalist Fuad Abbasovun Moskvada saxlanılması ilə bağlı bütün lazımi tədbirləri görür.
Azərbaycanlı jurnalistin Rusiya Daxili İşlər Nazirliyinin Ximki şəhəri üzrə polis idarəsinin əməkdaşları tərəfindən saxlanılması ilə əlaqədar səfirlikdən AZƏRTAC-a bildiriblər ki, səfir Polad Bülbüloğlunun göstərişinə əsasən mayın 20-də səfirliyin konsulluq şöbəsinin əməkdaşları Moskva vilayətinin Korolyov şəhəri üzrə əcnəbilərin müvəqqəti saxlanma mərkəzində onunla görüşüblər. Səfirliyin məlumatında deyilir ki, böyük ictimai narahatlığa səbəb olan bu hadisə ilə bağlı səfirlik tərəfindən bütün lazımi tədbirlər görülür. Məsələ səfirliyin nəzarətindədir.
Fəridə Abdullayeva
AZƏRTAC-ın xüsusi müxbiri
Moskva
Gəncədə yaşayış binasında yanğın baş verib VİDEO
Gürcüstanın Baş naziri ölkə müsəlmanları üçün iftar süfrəsi təşkil edib
Azərbaycan təhlükəsizlik orqanlarının 105 illiyi ilə bağlı təntənəli tədbir təşkil olunub
Taha Ayhan: Məqsədimiz Şuşanın azad olunma hekayəsini bütün dünyaya çatdırmaqdır