Gənc həndbolçularımız Avropa Gənclər Yay Olimpiya Festivalına ciddi hazırlaşırlar
Bakı, 21 may, AZƏRTAC
İyulun 21-də start veriləcək Avropa Gənclər Yay Olimpiya Festivalı böyük həyəcan və səbirsizliklə gözlənilir. Yarışın proqramına daxil edilən idman növlərindən biri də həndboldur. Azərbaycan bu idman növü üzrə həm oğlanların, həm də qızların turnirində təmsil olunacaq.
AZƏRTAC Azərbaycan Həndbol Federasiyasının saytına istinadla xəbər verir ki, hər iki komandamız festivala ciddi hazırlaşır. Funksional və taktiki hazırlığın yüksək nöqtəsinə çatmağı hədəfləyən həndbolçularımız proqrama uyğun olaraq ölkədaxili və xarici təlim-məşq toplanışları, həmçinin müxtəlif turnirlərdə qüvvələrini sınayırlar ki, bu da təcrübə baxımından böyük əhəmiyyət daşıyır.
Qeyd olunub ki, Avropa Gənclər Yay Olimpiya Festivalı iyulun 21-dən 28-dək Bakıda keçiriləcək.
Azərbaycan cüdoçuları “Böyük Dəbilqə” turnirinin ilk günündə medal qazana bilməyiblər
Bakıda keçiriləcək lisenziya turnirinə satılan biletlərin sayı açıqlanıb
Azərbaycan Karate Federasiyasında fəxri prezidentlik institutu yaradılır
“Qarabağ”ın qapıçısı Azərbaycan və Rusiya çempionatlarını müqayisə edib
Yunis Hüseynov: “Qarabağ” bütün oyunlarını uduzsa belə, çempion olacaq