Şəki, 21 may, Mustafa Dadaşov, AZƏRTAC

Azərbaycanın ilk keramika mərkəzi olan Şəki “ABAD” Keramika və Tətbiqi Sənət Mərkəzində ilk dəfədir “Təbiətdən tarixə” adlı beynəlxalq simpozium keçirilir. Belə tədbirlər xaricdə tez-tez təşkil olunur. Simpoziumda Azərbaycanla yanaşı, 14 xarici ölkənin keramikaçıları da iştirak edirlər. Bu, olduqca xoş haldır.
AZƏRTAC-ın bölgə müxbiri bu sözləri “ABAD” publik hüquqi şəxsin direktoru Rüfət Elçiyev Şəkidə keçirilən I Beynəlxalq Keramika Simpoziumunun açılışında jurnalistlərə müsahibəsində deyib.
Keramikaçıların iki həftə ərzində bir-biri ilə fikir mübadiləsi aparacaqlarını, təcrübələrini bölüşəcəklərini vurğulayan qurumun rəhbəri diqqətə çatdırıb ki, tədbir müddətində keramikaçıların hazırladıqları bütün məhsullar “ABAD”ın kolleksiyasında qalacaq.