Azərbaycanlı tələbələr Pekində mədəniyyət festivalında ölkəmizi təmsil ediblər
Pekin, 21 may, AZƏRTAC
Çinin nüfuzlu ali təhsil ocaqlarından olan Pekin Dillər və Mədəniyyət Universitetində ənənəvi beynəlxalq mədəniyyət festivalı keçirilib.
AZƏRTAC xəbər verir ki, 90 ölkənin milli stendlərinin quraşdırıldığı festivalda Azərbaycanı bu ali təhsil ocağında, habelə Pekindəki digər universitetlərdə oxuyan tələbələrimiz təmsil ediblər.
Ölkəmizin Pekindəki səfirliyinin dəstəyi ilə hazırlanan stenddə Azərbaycanın tarixinə, mədəniyyətinə, müasir inkişafına, turizm potensialına dair materiallar, o cümlədən müxtəlif dillərdə nəşrlər, geyim nümunələri, milli ornamentli suvenirlər nümayiş olunub.
Azərbaycan stendini ziyarət edənlərə milli mətbəximizin təamlarından plov, şirniyyatlarımızdan paxlava və şəkərbura təqdim olunub. Bundan başqa, stenddə Azərbaycan istehsalı olan məhsullar da nümayiş olunub.
Şahin Cəfərov
AZƏRTAC-ın xüsusi müxbiri
Pekin
Xətai Sənət Mərkəzində “Müşahidələrin fraqmentləri” adlı fərdi sərgi açılıb
Haaqada UNESCO üzrə Azərbaycan Respublikasının Milli Komissiyasının 30 illik yubileyi qeyd edilib
Bakıda Qırğız Mədəniyyəti Günləri keçiriləcək
“Xalqın mədəni sərvəti” layihəsi çərçivəsində regionlarda növbəti konsert təşkil edilib
“BakuOperArt” “Sərhədsiz Puşkin” adlı ədəbi-musiqili layihə təqdim edir