Əlyazmalar İnstitutunun jurnalları UNESCO-nun “ROAD” elmi indeksləşdirmə reyestrinə daxil edilib
Bakı, 20 may, AZƏRTAC
AMEA-nın Məhəmməd Füzuli adına Əlyazmalar İnstitutu akademiyanın Elmi Nəşriyyat Şurasının tədbirlər planına uyğun olaraq nəşr etdiyi çap məhsulunun, o cümlədən kitab və elmi jurnalların təkmilləşdirilməsi işini uğurla davam etdirir.
İnstitutdan AZƏRTAC-a bildiriblər ki, bu istiqamətdə görülən işlərdən biri də 2015-ci ildən nəşr olunan “Əlyazmalar yanmır” və “Elmi əsərlər” jurnallarının beynəlxalq elmi bazalarda indeksləşdirilməsi olub. Bu günlərdə hər iki jurnal UNESCO-nun kommunikasiya və informasiya sektorunun “ROAD” açıq istifadəli elmi jurnallar reyestrinə daxil edilib.
Baş idarəsi Parisdə yerləşən “ROAD” elmi indeksləşdirmə sisteminə 19 mindən çox biblioqrafik yazı və elektron məqalə daxildir.
Bakı Avropa Liseyində Fənlərarası Təlim Proqramının 30 illik yubileyi qeyd olunub
AzTU-nun nizamnamə fondu 29,4 milyon manat olaraq müəyyən edilib
Azərbaycan Texniki Universiteti publik hüquqi şəxsə çevrildi
Azərbaycan-Özbəkistan ədəbi-mədəni əlaqələri ortaq tarixi keçmişə əsaslanır - dəyirmi masa
ADA Universitetində keçirilən “Xəzər Hövzəsi Araşdırmaları” proqramı yekunlaşıb