“Məktəblilər üçün muzey həftəsi” yekunlaşıb
Bakı, 20 may, AZƏRTAC
“Muzeylər və Nəsimi irsi” proqramı üzrə “Məktəblilər üçün muzey həftəsi” yekunlaşıb.
Bakı Şəhəri üzrə Təhsil İdarəsindən AZƏRTAC-a bildirilib ki, muzey həftəsində 29 regionun Uşaq-Gənclər İnkişaf Mərkəzindən və paytaxt üzrə 270-ə yaxın ümumtəhsil müəssisəsindən ümumilikdə 21 min 729 məktəbli iştirak edib.
Layihə çərçivəsində məktəblilər ölkəmizin milli-mənəvi dəyərləri barədə geniş məlumat əldə ediblər.
“Muzeylər və Nəsimi irsi” proqramı Təhsil Nazirliyi Respublika Uşaq-Gənclər İnkişaf Mərkəzinin təşkilatçılığı, Mədəniyyət Nazirliyi, Azərbaycan Milli Elmlər Akademiyası, “İçərişəhər” Dövlət Tarix-Memarlıq Qoruğu İdarəsinin dəstəyi ilə keçirilir.
Layihənin məqsədi “Nəsimi ili” çərçivəsində çoxsaylı araşdırma və əlyazma nümunələrini əyani şəkildə tanıtmaq, şagirdləri ölkəmizin qədim tarixi, milli-mənəvi dəyərləri barədə daha ətraflı məlumatlandırmaqdan ibarətdir.
Əqli Mülkiyyət Agentliyində ixtiraçılıq və patent analitikası mövzusunda təlim keçirilib
AzTU əməkdaşları beynəlxalq konfransda çıxış ediblər
ADPU-da “Heydər Əliyev dərsləri” davam edir
Kənd Təsərrüfatı Nazirliyi 2024-cü il üçün doktorantura və dissertanturaya qəbul elan edir
ADPU ilə Rusiya İnformasiya və Mədəniyyət Mərkəzi əməkdaşlıq məsələlərini müzakirə edib