Bakı, 20 may, AZƏRTAC
Qəbələ Dövlət Peşə Təhsil Mərkəzinin turizm agenti ixtisası üzrə təhsil alan tələbələri “Mountain Host Azerbaijan”ın təşkil etdiyi ekoturda iştirak ediblər.
Peşə Təhsil Mərkəzindən AZƏRTAC-a bildirilib ki, ekotura qoşulan mərkəzin 3 tələbəsi peşəkar mütəxəssisin müşayiəti ilə 20-dən çox yerli və xarici vətəndaşlardan ibarət turist qrupuna bələdçilik edib. Ekoturun marşrutu Dəmiraparançayın sahili boyunca Laza kəndinə, Mucuq şəlaləsinə və geri düşərgəyə kimi olan ərazini əhatə edib.