Bakı, 20 may, AZƏRTAC
Kostal Karolina Universitetinin professoru Anna Oldfield Azərbaycan Dövlət Mədəniyyət və İncəsənət Universitetində (ADMİU) “Amerika universitetlərində Ph.D dissertasiyalarının yerinə yetirilməsi qaydaları” mövzusunda elmi seminar keçirib.
ADMİU-dan AZƏRTAC-a bildirilib ki, seminarda Anna Oldfield dissertasiya üzərində iş prosesinin mərhələləri, impakt faktorlu jurnallarda elmi məqalələrin tərtibatı haqqında ətraflı məlumat verib, iştirakçıların suallarını cavablandırıb.
Tədbirdə universitetin professor-müəllim heyəti, həmçinin doktorant, dissertant və magistrlər iştirak edib.